煩惱.....自尋?!

你最近煩什麼?

究竟煩惱係自己搵上門,還是只係我地自己當作煩惱? 我地每日都會面對著不同既事同人, 當中會令我地喜-怒-哀-樂. 每一件令我地心緒悸動既事都會留係我地心中, 可以令我地回味著喜悅既時刻, 反之, 就會令我地忘不掉傷感既情節.
同一件事既發生, 對於每個面對既人都會有唔同既意義, 而未能消化當中既細節, 領悟當中既意思的話,事情就會變成煩惱了. 而我就往往當著依個角色, 為這件事而自尋煩惱.....

煩惱可以係自尋, 但..... 煩惱同樣可以自救嗎?

LPCD

等左好耐既王菲LPCD終於再販了, 不過都搵左好幾間先可以以合理價錢入手. 急不及待回家播放, 果然一個字[清靚準甜], 一般CD Player 就可以聽到近乎黑膠質數既音樂, 大家不妨聽聽, Fans 更加唔可以放過!!

你信降頭嗎?!

你地有時覺唔覺得自己好似唔知做緊乜, 或者做緊d有違自己本性既事情呢? 通常我都會叫依d係中左"大笨咒"- 中左既人會做d好笨既事而自己唔會察覺.

所謂有違自己本性既事情, 可能只是一d好唔起眼既事, 例如你根本唔喜歡打遊戲機, 但係當行過遊戲機中心既時候, 你又會走入打幾手,日日如是.係其他人眼中你只係一個喜歡打遊戲機既人而已.而你自己亦唔為意有咩問題.

中咒既人可能會好快就回覆正常, 當然影響亦唔會咁大. 如果你身邊既人從你中咒前認識到你至你中完咒既話,佢地唔會覺得有咩大問題...但如果係你中咒期間先認識你既話, 到你清醒既時候, 你既轉變就會令對方措手不及.到時...問題就會黎....

回復"清醒"之後, 我發現原來自己已經渾噩左6~7年了....依幾年間自己都做住d同自己本性有違既事, 當然唔係傷天害理既事, 期間有好多事都唔係自己用心去做,只是得過且過...慶幸日子都過得平平安安. 待續...

識得太早, 愛得太遲?!

經常聽到大家都談論"愛得太遲"依首金曲, 曲中提及我地要好好"愛"身邊人,當中包括朋友既愛, 親人既愛同情人既愛. 提醒我地唔好太遲去"愛",免得錯失過後恨錯難返. 而我敬愛既他, 我已經再無機會向佢表達我對佢既愛了,只可以默默地係心裡面記掛著佢,懷念著佢.

太遲去愛, 只會令人錯失. 但如果相識得太早呢?我地往往唔能夠成熟地去相處,為對方設想,最終亦可能因處理不當而失去對方. 這兩種際遇我都經歷過了....感覺真的好難受....好難受...

願各位珍惜眼前人