Merry Chirstmas

Merry Chirstmas and Wish All The Best!!

Sharon Birthday

Sharon Birthday, 生日快樂!!

你信緣份嗎? Part 3

半年過後,緣再次落左L同C身上,讓佢地再次相遇. 這次他倆都好珍惜同希望維持今次既"份".
可惜有時太著緊對方,往往係不知不覺間將對方迫得太緊,做成反後果. 一段時間過後, L 同 C 開始遇到一般情侶都會遇到既各樣問題, 佢地兩個都係梗頸既人,最終因為一d小事, 大家都以為對方會讓步..漸漸倆小無猜既感情就係咁停頓左. 當時係1992年 - 秋. (待續)

你信緣份嗎? Part 2

L 同 C 中學既時候已經有【緣】偶上了, 係C心目中, L 可算是100% 心目中既女神, 可惜唔成熟既C無把依份緣好好珍惜, 留班既打擊令C覺得跟L已經有距離,最後... 不智既他傷害了她. 【份】...流走了... (待續)

你信緣份嗎?

我一直都認為【緣是天意,份在人為】,但係我地往往都好容易錯過機會,唔會好好珍惜,但過後又會後悔.當中好彩既人, 會可以再有機會.唔好彩既人,就只好..... 但當中, 最痛苦莫過於再有機會,可惜不合時候...(待續...)

十指痛歸心....

擾攘左手指頭個幾月果粒"野",今日終於造了個小手術"處決"左. 經過今次之後, 自己都會比以前更留意工作環境既衛生, 醫生話係細菌感染傷口而長出有血管既肉芽....聽落真係幾恐怖.. 造手術前先要打支麻醉針方便開刀,但係往往依支針最痛.....尤其打係 手指,手指係神經線最集中既部份之一,係非常敏感, 所以亦係非常痛. 痛楚之餘, 心裡都有一絲放鬆,事關總算解決左.不過睇見張單就........

十指痛歸心.......無左二千蚊......

To Be or Not To Be

係IT界插科打諢已經有好幾年,成績自問亦比上不足,比下有餘, 眼見香港既IT業已比"邊緣化" ,有時都會問下自己應唔應該繼續下去!To Be?! 唔知幾時先再有機會, Not To Be?! 又唔知有咩機會.
諗到依一 刻....都係埋位做野了.....嗚~~~~~

好想多d時間睇書呀.....乾塘啦.....

To Be..... Not To Be...?!

地獄...還是地獄

終於離開沉悶左一年既地獄,轉向另一個地方工作了, 不過一如以往,
不負【地獄黑仔王】既美譽, 新環境亦只是另一個地獄而已. 究竟係自己唔心足,還是真係咁運滯?!

半年前想推行既事又未開始....真失敗!!

復刻王

唔知點解,總覺得80s-90s 既歌比較耐聽, 可能當時無咁多K歌...又或者....我已經老餅了...
近日行過CD鋪,發現一批80s-90s見過既黑膠碟從新推出復黑CD, 名叫"復刻王",經過一輪翻閱,竟然比我搵到隻當年錯過左既碟"Everything-王靖雯", 無錯,亦即係王菲,當時佢初初出道,用上"王靖雯"依個名字,直到佢讀完書回來出"Miss You Night & Day"才用回"王菲"真名,亦正式踏上天后之路.

歌曲推介: 可否抱緊我, 巴黎塔尖

Long Time No See!!

DIVA 回歸 - Shirley Kwan

剛於3月既時間睇左 Shirley Kwan Concert. 當晚既情景一直留於腦中.
她美妙既歌聲,對歌唱表現既執著,比係而家自認"歌姬"既那位,真係不能相提並論!
過後亦聽到好多聲音對她既讚賞,更多既聲音就係後悔錯過了這次Concert. 哈哈哈~

機會黎啦!! 剛剛既星期五, Shirley 既 Concert 2CD 出爐了,我又可以重溫當晚既氣氛.
錯過既朋友唔好坐係度啦....聽完包你同我一樣靜靜等待Shirley Concert 既 DVD呀


個人推介 :成隻碟　

20年啦...足足等左佢20年啦

自細都對超合金 有特別鍾愛, 可惜兒時不懂珍惜,好多玩具都唔見了, 不過"笨大"果然好野,將一眾超合金從新design 再出,仲改名叫【超合金魂】直頭當年搵完你父母錢,家陣再搵多你一次!!
而最新出爐既【超合金魂】GX-31 V型電磁俠 就係當年我最喜愛之人,可惜當時只擁有2號機-- 即係得對手!! 家陣就重新擁有了...."笨大"....你好野!!.....

Link : GX-31　ボルテスⅤ